Un novo título dunha serie divertida e emocionante coa que os nenos e as nenas se sentirán identificados.
É a hora da sesta na escola infantil e Leo parece non ter sono. Para entreterse, decide facer unha cabana e espertar o seu amigo Oli para amosarlla. Pouco a pouco, os demais compañeiros irán sumándose para construír unha na que caiban todos.
Un novo título de Frédéric Stehr na colección Acartonados, historias divertidas, breves, de diálogos sinxelos protagonizadas por uns adorables personaxes que reflicten moi ben os comportamentos, inquedanzas e sentimentos dos máis pequenos. Os fondos claros e imaxes definidas fanos ideais para prelectores.
